当前所在位置:主页 > 领域图集 >009 澳门人讲饮讲食:全城出名鸡蛋仔(街头小吃)

009 澳门人讲饮讲食:全城出名鸡蛋仔(街头小吃)

009 澳门人讲饮讲食:全城出名鸡蛋仔(街头小吃)

009 澳门人讲饮讲食:全城出名鸡蛋仔(街头小吃)

今日同大家讲埋大堂斜巷一档同阿爸传到去个女既流动小贩档,又係好耐历史ga啦,我细细个食到而家,每逢放工放学、星期六日、公众假期佢都係非常多人买ga,而且平常都有好多市民都专登驾车来买。


上图中你地都见到你几个人买紧or等紧。今日影相既时候,见到阿爸同阿女都一齐係度,大家认住佢地个唛头啦!只此一家呀!位置就係之前007,008所讲的同一位置,只不过係金满堂、暹逻对面时代停车场入口处。

佢算係澳门最出名的街贩鸡蛋仔夹饼档,佢只有三样野卖:
1.鸡蛋仔
2.香蕉糕
3.夹饼

点解咁好食?因为佢地d蛋浆係自己每日调配,日日新鲜,卖哂就收档ga啦!
我都有係澳门其他地方吃过,一係就颜色唔靓,味道又淡,一係就整得太难食。
香港都有食过旺角湾仔d档口,当然就更…..难吃啦(我绝冇踩香港鸡蛋仔的意思,各位唔好误会,而不过我觉得香港d鸡蛋仔一早整定哂,食既时候冻冰冰又硬卜卜,虽然味多,但此终原味及热呼呼时食最好!)

而我最锺意食佢既夹饼,唔係鸡蛋仔,因为佢既夹饼唔知点解会咁好食,自己都整唔到佢个味,其他档又学唔到,而且都有好多人去买夹饼为主tim。有次我买紧既时候,有个阿叔走埋黎话要买10份夹饼tim,其实一d都唔出奇,因为成日有人都係咁卖返屋企食,当下午茶。

价格方面好係4蚊澳门币一份夹饼,鸡蛋仔好似係6蚊一排,香蕉糕就唔记得啦!

下图就是大堂斜巷,见唔见有个禁止符号既牌呀!沿住呢条行人道一直行落下,你就立即见到啦!
如果都係唔识去的话就问下人啦!

009 澳门人讲饮讲食:全城出名鸡蛋仔(街头小吃)

(下一回我地返去议事亭前地同卖草地! 010:澳门人讲饮讲食 )
编/摄:阿乃


相关推荐