当前所在位置:主页 > 聚焦通讯 >002 澳门人讲饮讲食:街边风味鱼蛋档 (小吃类)

002 澳门人讲饮讲食:街边风味鱼蛋档 (小吃类)

002 澳门人讲饮讲食:街边风味鱼蛋档 (小吃类)
002 澳门人讲饮讲食:街边风味鱼蛋档 (小吃类)

各位上回讲左早餐,跟住我地又讲下小吃啦!暂时介绍都係议事亭前地、板樟堂及白马行一带的,一来你地可以一次去哂,二来唔驶周围搵,等我介绍哂这区的美食,再带大家去一D比较少游客去的区域呀!


今次介绍的是两档鱼蛋档,一档叫”恆友”,另一档叫”陈林记”!(都是街铺仔,唔係街边档,但仍保留车仔的特色),因为近年在澳已经不多见街边流动小贩,剩下三盏灯、红街市一带才有(放心,迟d我会介绍ga,不用心急呀各位!),这两档的地址係位于板樟堂的fancl house与SASA(U2隔离果间,唔好搅错呀) 中间的斜巷仔,係叫”大堂巷”,巷头有旅游资讯牌同数个蓝绿色垃圾桶。

002 澳门人讲饮讲食:街边风味鱼蛋档 (小吃类)

一进去就知道这条是食街,第一档係呢条巷的圣安娜对面,叫”陈林记”,它摆了各式各样的熟食鱼蛋,非常多种类,价钱由2蚊一串至6蚊一串都有,如你买得多的话就叫老闆娘比个萝你,自己慢慢拣,之后佢就会即场帮你肏熟,好让你慢慢品嚐。我每次去到都买成2大碗,都只不过係40蚊-60蚊左右,成5、6人一齐食都够,有时仲多到可以当正餐tim。不过佢唔係成日开门ga,你去度就要碰下运气啦!就算连我这些澳门人都常常食闭门羹ga~因为佢唔会贴出来说它明天休息的。

002 澳门人讲饮讲食:街边风味鱼蛋档 (小吃类)

想食第二档的话你就要行上少少,係柠檬车露对面、三可饼家及小熊猫隔壁,叫”恆友”的小铺仔,出名的是咖喱鱼蛋,弹牙有鱼味,非常不错,不过种类比前面的第一档少,放学都好多学生去买ga~~价钱同第一档价钱差不多ga!

你看看,今天下午5点左右人多得几紧要!而这条仲有好多好野食,有d铺头背后仲有风光的历史,如三可饼家、西湾安记、小熊猫、柠檬车露等,隔离街都有好多,当然在下一回我会逐一介绍。

不过大家唔驶惊,去左附近问人,大部分都知ga!当然你要问arm澳门人or店舖职员啦!如果唔係问着一个都係游客就真係~~hahahaha~~

–下回见–

(Update:2006/03/29)
编/摄:阿乃


相关推荐